Orain programa: haur eta nerabeei aldi baterako familia-zaintzarako programa

Zer da?

Orain programa familia boluntarioek osatutako baliabidea da. Programaren bitartez, familia boluntarioek aldi batean zaintzen dituzte beste familia batzuetako haurrak, haiek ezin dituztenean zaindu, eta ez dutenean konfiantzazko inor horretarako.

https://www.youtube.com/watch?v=t5twyad0A-g(Beste leiho batean irekiko da)

Nori zuzenduta dago?

  • Familia- edo gizarte-laguntza nahikorik ez duten familiei, baldin eta haur edo nerabeen babesgabetasun larriaren adierazlerik antzeman ez bada.
  • Hirian familia- eta gizarte-sarerik ez duten familiei, baldin era osasun-gorabeherak, lanerako prestakuntza, gorabehera administratiboak eta abarrengatik aldi batean beren haurrez arduratu ezin direnean, non eta beste zerbitzu edo baliabideren batek ezin dituen artatu.

Orain zure laguntza baliagarria da

Programak pertsona eta familia laguntzaile boluntarioen poltsa osatu du, eta familia berrien laguntza behar du, betiere Haurtzaro eta Senitarte Zerbitzuak aldez aurretik egokitzat jo dituen pertsona eta familiak.

Familiek haur eta nerabeen zaintza eta arta hartuko dute beren gain pertsona eta familia boluntarioek beharrezko denboran, eta beren familietara itzuliko dira programara bideratzea eragin zuen premia-egoera desagertzen denean. Haurtzaro eta Senitarte Zerbitzuko teknikari taldearen laguntza izango dute uneoro.

Informazio gehiago non eskuratu dezaket?

  • Programan parte hartu nahi duten familiek harremanetan jar daitezke Haurtzaro eta Senitarte Zerbitzuarekin, 945 16 13 79 telefonora deituta, edota infanciayfamilia@vitoria-gasteiz.org e-postan.
  • Laguntza behar duten familiek erreferentziako Udal Gizarte Zerbitzuan.

Zein helburu lortu nahi ditugu?

  • Haur eta nerabeengan babesgabetasuna eragin dezaketen egoerei aurrea hartzea, bai eta zaurgarritasun-egoeran dauden familietan kontziliazio-ezintasunak eraginik, dagoeneko baden babesgabetasun egoera larriagotu dadin eragoztea.
  • Dena delakoagatik beren seme-alabei behar duten arreta eta zaintza ematerik ez duten familiei aldi batez laguntza eskaintzea, familia-krisiko egoeratan edo familiako kideren batek edo batzuek atsedena hartu beharrean du(t)enean, halako egoerak normalean gurasoen osasun-arazoek eragin dituztelarik.
  • Gurasoei osasun egoera ona berreskuratzen eta laneratzen zein prestakuntza hobetzen laguntzea, bitartean seme-alabek arreta egokia dutela bermatuz.
  • Programaren familia hartzaileei baliozko erreferentzia bat eskaintzea, harreman-dinamikei, hezkuntza-irizpideei eta abarrei dagokienez.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.