Ekitea - Zure enpresa eratzeko urratsak
Enpresa bat martxan jartzeko, aholkularitza eta prestakuntza jasotzeaz gain, beharrezkoa da gai juridiko, ekonomiko eta administratiboekin lotutako tramite batzuk egitea. Eraketa eta irekitze lizentziak, enpresaren egitura juridikoa, finantzazio instrumentuak eta oinarriko diru-laguntzak funtsezkoak dira negozioak sortzeko prozesuan.
- Enpresari ekin aurrekoak: Ekintzaile-taldea, ideia, bezeroak, konkurrentzia, sektorea...
- Enpresa plana: Proiektuaren aurrekariak, merkatuaren analisia, AMIA analisia, eskaintzaren analisia, ekoizpen prozesuaren edo zerbitzua eskaintzeko prozesuaren analisia, ekonomia eta finantza plana...
- Finantzatzeko oinarrizko instrumentuak: Epe laburrerako finantzazioa, epe luzerako finantzazioa, beste finantza instrumentu batzuk...
- Lokalizazioa: Non kokatu enpresa?
- Jabetza industriala eta intelektuala: Zer babes daiteke? Zer abantaila eskaintzen du babesak? Non babes daiteke?
- Egitura juridikoa aukeratzea: Enpresa motak eta egitura juridiko ohikoenak.
- Tramiteak: Izen komertziala babesteko izapideak, sozietatea eratzeko izapideak, jarduera instalatzeko izapideak, enpresa martxan jartzeko izapideak...
Urrats hauek Vitoria-Gasteizko Udalak, Arabako Merkataritza Ganberarekin lankidetzan, Araban enpresa bati ekiteko gida dute oinarri. Bertan jasoak daude enpresa bat eratzeko informazio, gomendio eta tresna baliagarriak.
"Jarduera hasieraren semaforoa" gida
Jarduera legeztatzerakoan "istripurik" ez izateko gida. Gidaren hartzaileak:
- Enpresa sortu berriak.
- Eratuta dauden eta jarduera aldatu nahi duten enpresak.
- Eratuta dauden eta lekuz aldatu nahi duten enpresak, edo produkzio gune berria ireki nahi dutenak.
- Eratuta dauden eta produkzio aretoa eraberritu nahi duten enpresak.
- Aurretik jarduera bererako lizentzia duen areto batean sartzeko asmoa duten enpresak.
- Jarduera zabaldu edo aldatzeko asmoa duten enpresak (lehengai berriak, produkzio prozesu berria, eta abar).
Jarduera hasieraren semaforoa" gida 
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.