Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.
Wifi haririk gabeko sarearen galdera ohikoenak
Non sar naiteke WiFi zerbitzuan?
Kontsulta ezazu Gasteizko Udalaren WiFi guneen zerrenda. Zerbitzua handitzeko beharra ikusten bada leku gehiago jarriko dira.
Erabiltzaile-kodea eta pasahitza sartu ditut (WiFi4EU ez den sare batera konektatzeko) eta ezin naiz konektatu. Zer gertatzen da? Hainbat erantzun egon daitezke:
- Konproba ezazu ea ondo sartu dituzun erabiltzaile-kodea eta pasahitza. Kontuan hartu hizki larriak eta xeheak.
- Azter ezazu ea sare egokian konektatu nahi duzun: doakoa (wifi-vitoria-gasteiz sarea) edo ordaindu beharrekoa (vitoria-gasteiz sarea).
- Deskatiba ezazu pop-up leihoak blokeatzeko gailua.
- Alda ezazu zure ordenagailuak segurtasunerako duen konfigurazioa ( aginte-panela >segurtasun gunea).
- Wifi sarea kolapsatuta egon daiteke.
"Wifi-vitoria-gasteiz" sarera konektatzen saiatzen naizenean alerta-mezua edo ziurtagiri-errorearen mezua agertzen zait. Zer gertatzen da? Hainbat erantzun egon daitezke:
- Esploratzaile bertsioaren arabera ziurtagiri-alerta mezua ager daiteke. Ez diogu kasurik egingo eta onartu egingo dugu.
- Konexiorik egin ez denez, abonamendua ez da aktibatu. Beraz, lehen aldiz konektatzean, erosi zeneko baldintza berberekin aktibatuko da.
Zer egin behar dut deskonektatzeko?
Saioa ixteko, wifira konektatzen garenean agertzen den leihoko botoia sakatu behar da. Ez badugu leihoa ikusten, edo ez badugu ixten, automatikoki itxiko da, denbora bat igarota.
Wifi zerbitzua erabiltzeko jarraibideak
Wifi zerbitzua erabiltzeko jarraibideak
Gau eta egun eskaintzen da wifi zerbitzua?
Eguneko 24 orduetan dago wifi zerbitzua.
Eskaileretan erabil dezaket wifi zerbitzua?
Wifi seinalerik bada erabil daiteke, baina ez da seinalea iritsiko dela bermatzen.
Adingabekoa banaiz wifi zerbitzua erabil dezaket?
Adingabeek gurasoen edo legezko ordezkarien baimena behar dute nahitaez wifi guneetan sartu eta horiek baliatzeko. Argibide gehiago nahi izanez gero kontsulta itzazu erabiltzeko arau orokorrak.
Liburutegian helduen orrietara sar naiteke?
Udalaren wifi zerbitzuak ez du internet guztira sarbiderik; beraz, ez dago erabiltzeko sailkatu ez diren orrietan ibiltzerik.