Hiri hondakinen bilketa eta tratamendua

Vitoria-Gasteizko udalerrian honako edukiontziak ditugu gaikako bilketa horientzat:

• Edukiontzi marroia: hondakin organikoak
• Edukiontzi horia: ontziak
• Edukiontzi urdina: papera eta kartoia
• Edukiontzi berdea: beira
• Edukiontzi grisa: zabor poltsa (errefuxa)
• Edukiontzi krema: oihal hondakinak, oinetakoak eta tresna elektriko eta elektroniko txikiak
• Edukiontzi krema eta laranja: landare-olioa

Kontainerren erabilerari buruzko informazioa

Euskarri berri horiek agertu ahala, normala da herritarrek haien etxeetan sortzen dituzten hondakinak nora bota behar dituzten jakiteko orduan zalantzak izatea. Honakoa aprobetxatu nahi dugu zalantza horiek guztiak argitzeko eta herritar guztiak zuzen birzikla dezaten bultzatzeko. Eta, jakina, momentu egokia iruditzen zaigu bene-benetan eskertzeko banakakoen kudeaketa arduratsu horrek eskatzen duen ahalegina.

• Erreziklatu zure ohiturak: kontainerren erabilerari buruzko informazio liburuxka (pdf formatuan)

"Lagundu hiria garbi mantentzen"

Bilketa pneumatikoa indarrean da Erdi Aroko hirigunean, Ibaiondon, Salburun, Arkaiaten, Larreinen, Zabalganean, Mariturrin, Goikolarran eta Armentian.

Bilketa pneumatikoa Erdi Aroko hirigunean

• Etxeko hondakinentzako ontzi grisa: poltsa, hondakin ez-birziklagarriduna.
• Etxeko hondakinentzako ontzi horia: latak, brickak, film-plastikoa, plastikozko botila eta erretiluak
• Dendetako hondakinentzako ontzi grisa (tapa karratu handia, giltzaduna): poltsa, hondakin ez-birziklagarriduna.
• Dendetako hondakinentzako ontzi horia (tapa karratu handia, giltzaduna): latak, brickak, film-plastikoa, plastikozko botila eta erretiluak

Gainerako hondakin motak edukiontzien bidez biltzen dira: materia organikoa (ontzi itxia, HUTrekin irekitzen da), papera eta kartoia, beira, jantziak eta etxeko olioa.

Beira debekatuta dago bilketa pneumatikoko sare osoan. Beirak hodiak higatzen ditu; hartara, nabarmen murrizten du sistemaren bizitza baliagarria.

Bilketa pneumatikoa Ibaiondon, Salburun, Zabalganean, Mariturrin eta Goikolarran

Bi ontzi mota daude, bi hondakin mota biltzeko:

• Ontzi laranja, sarrailaduna, hondakin organikoa biltzeko: janari-hondarrak, poltsa konpostagarrian. (Ontzi itxia, HUTrekin irekitzen da).
• Ontzi horia: latak, brickak, film-plastikoa, botilak eta plastikozko erretiluak.

Gainerako frakzioak edukiontzien bidez biltzen dira: papera eta kartoia, beira, jantziak, etxeko olioa eta gainerako hondakin ez-birziklagarriak.

Aho horia hobeto erabiltzeko hainbat ohar:

• Hustu ontzien edukia, usain txarrak ekidingo dituzu.
• Zapaldu toki gutxiago har dezaten (tapoia edo estalkia kenduta errazagoa egingo zaizu).
• Ez pilatu, ohitu maiz jaisten.
• Sartu behar bezala ahoaren barruan.

Nola funtzionatzen du?

Bilketa pneumatiko sistemak, aire korronte batzuei esker, hondakinak lur azpian dauden tutu batzuetatik nabe zentral batetara eramaten ditu.

• Auzotarrak hondakin ezberdinak dagokien ontzietan sartzen dituzte.
• Egunean hirutan eta ontziak beteta daudenean, sistemak aire korronteak sortzen eta eramaten ditu.
• Hondakinak nabe batetara ailegatzen dira eta zatika banatzen dira.
• Gero, trataerarako instalazioetara garraiatzeko kontainer hermetiko batetan pilatzen dira

Bilketa pneumatikoaren zentralak erabilitako aire korronteak garbitzen ditu, airea atmosferara itzultzeko usain eta partikularik gabe. Garbiketa honetarako eraginkortasun handiko iragazki ezberdinak erabiltzen dira. Hondakinen bilketa eredua ezberdina da zentralaren arabera.

Sistemaren historia

Hondakinen bilketa pneumatikoa 2002. urtean ezarri zen lehenengo aldiz Vitoria-Gasteizen Erdi Aroko hirigunean. Bilketarako kamioiek zarata gehiegi egiten zuten eta birziklatze kontainerrak jartzea ezinezko zen, hori dela eta proiektu hau sortu zen.

• Pilak: Udalak dendetan bilketarako kontainerrak banatu ditu. Pilak emakidadun enpresa batek biltzen ditu.
• Hildako animaliak. Udaltzaingoa hildako animaliak biltzeko zerbitzua eskaintzen du.
  Animalia hilak jasotzeko telefonoak: 945 14 64 19 (09:00etatik 13:00etara, astelehenetik ostiralera) eta 608 870 979 (goizeko 08:00etatik arratsaldeko 20:00etara, egunero).
• Erabilitako olio begetalak. Garbigune puntu garbietan eta puntu berde mugikorretan batzen dira eta Bionor Instalazioetara eramaten da biodiesela egiteko. Edukiontzi laranjan ere bota dezakezu olioa.
• Etxeko hondakin arriskutsuak (erradiografiak, disolbatzaileak, aerosolak...). Garbigune eta puntu berde mugikorretan batzen dira.
• Sendagaiak eta xiringak:
  • Zer utzi botiketan:
    • Orratza duten xiringa kargatuetako sendagaiak (heparinak, intsulinak), behar bezala kapsulatuak eta jatorrizko ontzian, manipulazio-istripuak saihesteko.
    • Iraungitako sendagaiak, egoera txarrean daudenak, soberakinak edo erabiltzen ez direnak eta farmazietan erosi direnak.
    • Flasko hutsak, xarabeak dosifikatzeko xiringak (orratzik ez daramatenak), blisterrak (SPDak barne).
    • Kartoigintzan SIGRE1 ikurra duten osasun-produktuak.
    • Sendagaien ontzien kartoiak.
  • Zer entregatu osasun-zentroetan eta ospitaleetan:
    • Osasun-zentroan entregatu diren lantzetak, orratzak edo bestelako objektu zorrotzak. Edukiontzi espezifikoak jarriko dira, gero osasun-zentroan jasotzeko.
    • Erabili gabeko eta ospitaleko Farmazia Zerbitzuan emandako medikamentuen hondarrak.
    • Ospitalean entregatu diren objektu zorrotzak edo injektagarriak; horretarako, edukiontzi espezifikoak emango dira, eta gero jasoko dira ospitalean.