Mugikortasun Iraunkorraren eta Espazio Publikoaren Plana (MIEPP)
Hasiera | Indarreko plana | Mugikortasunaren aldeko herritar ituna | Mugikortasunaren aldeko herritar foroa | Plana eguneratzea
Gasteizko Udalak, bizi-kalitateari eustea eta hiriak eta haien ingurunea bizigarriak izatea ahalbidetuko duen garapen jasangarriarekiko konpromisoa duenez, Mugikortasun Iraunkorraren eta Espazio Publikoaren Plana (MIEPPa) onartu zuen 2007an, 2023ra arte garatzeko aurreikuspenarekin.
Plangintza horren abiapuntua Mugikortasun Iraunkorraren aldeko Herritar Ituna izan zen. Gasteizko hainbat gizarte-eragilek idatzi eta sinatu ondoren Udaleko osoko bilkurak onartu zuen adostasun-dokumentu horrek esparru orokor bat zehaztu zuen, mugikortasun-jarraibide berriak eta beste hiri-eredu bat ahalbidetzeko, hiriko joan-etorriak arriskutsuak izan ez daitezen osasunerako, bizi-kalitaterako, hiriaren ingurumenerako eta tokiko ekonomiaren garapenerako.
Herritarrek parte hartzeko gunea, berriz, Mugikortasun Iraunkorraren aldeko Herritar Foroa izan zen, eta adostasunean oinarritutako etorkizuneko agertoki hori zehaztu zen bertan. Harrezkero, Plan horren pean ezarri diren mugikortasunari eta espazio publikoari buruzko politikak aztertu eta eztabaidatzeko gunea izan da Foroa. 2017an, Elkargune bihurtu zen Foroa, Gasteizko Udalak herritarren partaidetzarako sortutako egitura berriaren arabera.
2018an, Hiri Antolamenduko Plan Orokor berriaren aurrerapena zehazten ari zenean eta hiriko garraio publikoaren sistema gaitasun handiko lineen bidez garatzea erabaki ondoren, agerian geratu zen MIEPPa berrikusteko eta eguneratzeko beharra. Hala, Elkargunean eztabaidatutako printzipio gidarietatik abiatuta, MIEPParen eguneratzearen aurrerapena idatzi da, eta eztabaidagai jarriko da herritarren eta gizarte-eragileen aurrean. Behin ekarpen guztiak jasotakoan, udal-zerbitzu teknikoek MIEPPa eguneratzeko beste proposamen-dokumentu bat idatziko dute, eta, dokumentu horren informazio publikoa eman ondoren, dagokion prozedura administratiboaren bidez onartuko da.
Albisteak
-
Udal ordenantza batek bizikleten aparkaleku seguruen VGbiziz sarearen garapena bultzatuko du
Tokiko Gobernu Batzarrak uztailaren 17an onartu zuen ordenantzaren zirriborroa.
Lotutako informazioa
- Hiri Antolamenduko Plan Orokorra - Esteka interesgarriak
- Hiri Antolakuntzarako Plangintza Orokorra berrikustea - Dokumentazioa
- Ingurugiro Gaietarako Ikastegia - Proiektuak
- Mugikortasuna - Mugikortasun Elkargunea
- Mugikortasun Iraunkorraren eta Espazio Publikoen Plana - 2019ko eguneratzea
- Mugikortasun Iraunkorraren eta Espazio Publikoaren Plana - Mugikortasun Iraunkorraren aldeko Herritar Ituna
- Mugikortasun Iraunkorraren eta Espazio Publikoaren Plana - Dokumentu nagusia
- Ingurumen planak – Beste plan estrategiko batzuk
- Ingurugiro Gaietarako Ikastegia - Mugikortasun aktibo eta autonomoa ikastetxera joateko
- Motordun ibilgailuak hiriaren erdialdeko kaleetara sartzeko kontrola
- Toki gehiago pertsonentzat
- Ohiko galderak motordun ibilgailuak hiriaren erdialdera sartzea bideokameren bidez kontrolatzeari buruz
Zure iritziak axola digu
Nahi baduzu, iruzkinak egin ditzakezu.
Nahitaezkoa da identifikatzea.