Udaleko Hezkuntza Jarduerak - Dantza-tzen

Arte eta Ikus-entzunezko hezkuntza

Ikasturtea: 2022-2023 / Arte eta Ikus-entzunezko hezkuntza

Izena eman jarduera honetan

Azalpena

Ordubeteko bi saiotan egituratzen dira edukiak, elkarren ondoko bi urtetan egin beharrekoak (Lehen Hezkuntzako 3. eta 4. mailetan). 2021-2022 kurtsoan 3. maila bezala aktibitatean parte hartu ez duten 4. mailako gelen eskaerak ez dira onartuak izango.

Eskoletan erabiliko den metodologia gehien bat praktikoa izango da: saioen hasieran dantzaren jatorria, dantzatzeko eguna, jantziak eta abar azaltzen dira, eta gero urratsak irakasten, dantza osorik muntatu aurretik.

Jarduera gauzatzeko material eta baliabide hauek erabiltzen dira:

  • Gela edo areto moldagarri eta handi bat, eskaera egiten duen eskolan bertan.
  • Giza baliabideak: bi dantza irakasle eta musikari bat.
  • Lantzen diren dantzen CDa.

Balioak

Sormena, Nortasuna, Barne hartzea eta Parte hartzea.

Helburuak

  • 8 eta 10 urte bitarteko ikasleei (Lehen Hezkuntza 3. eta 4. maila) dantza eta musika tradizionalak ezagutaraztea.
  • Entzutezko eta mugimenduzko oroimena garatzea, osagaiak eta denbora sekuentzia bereiziz musika eta dantza baten zati ezberdinak ezagutzeko bide ematen duen oinarrizko analisi batetik abiatuz.
  • Dantza eta musika gizarteratzeko eta dibertitzeko bidetzat sentitzea, hau da, dantza eta musika tradizionala ulertu, interpretatu eta atsegin izatea.
  • Gorputza adierazteko eta komunikatzeko tresna gisa erabiltzeko aukera ezagutu, garatu eta bereganatzea, nork bere ahalmenetan konfiantza izanik.
  • Mugimenduaren bitartez gozatzea, bat-batekotasuna landuz, eta horrela oreka afektiboa eta beste pertsonekiko harremana indartzea.
  • Kurrikulumaren beste arlo batzuk (artea, hizkuntza, ingurunearen ezagutza, euskara...) lantzeko abiapuntu gisa laguntza dinamiko eta irekia ematea.

Hartzaileak

  • Lehen Hezkuntza (3. eta 4. mailak).

Antolamendua

  • Lekua: jarduera gauzatu ahal izateko gela edo areto handia (gimnasioa edo erabilera anitzeko gela) eskaera egiten duen eskolan bertan.
  • Egutegia: asteazkenetan, urritik maiatzera bitartean.
  • Ordutegia: 10:00 - 11:00 lehen saioa eta 11:00 - 12:00 bigarrena.
  • Iraupena: ordubete.
  • Materialak: lantzen diren dantzen CDa.
  • Parte-hartzaile kopurua, gehienez: 25 saio bakoitzeko (derrigorrezkoa da, saioa irauten duen bitartean, gelako tutorea edo irakaslea bertan egotea).
  • Hizkuntza: Gaztelania, Euskara.

Parte hartzeko betebeharrak ancla

  • Izena ematea: 2021ko irailaren 9tik 23ra arte. Orrialde honetan esekiko den estekan.
  • Ordaintzekoa: ez.
    Irailak 29tik aurrera, eskola bakoitzari posta elektronikoz konfirmatuko zaio bere parte-hartzea edo ez parte-hartzea. Plazarik izatekotan, gela bakoitzak daukan eguna eta ordutegia adieraziko zaizue posta elektroniko berean.
  • Aktibitatea konfirmatuta dagoenean, aldaketaren bat nahi izatekotan, antolakuntzaren balorazioa beharrezkoa izango da eta azkenean aktibitatean parte ez hartzea posiblea da. Beraz, ziurtatu gela guztiak aktibitatean parte hartu dezaketela.
  • Parte hartzen duten ikastetxeek eta kolektiboek konpromisoa hartzen dute Vitoria-GasteizHiri Hezitzailea proiektua berariaz aipatzeko, jarduera honetan parte hartuko dutela jakinarazten edo zabaltzen dutenean.

Argibideak

  • Harremanetarako: Roberto Álvarez Leza.
  • Helbidea: Udalaren Folklore Akademia (Musika Etxea)
    San Antonio kalea 14, 01005 Vitoria-Gasteiz
  • Telefonoa: 945 162 602
  • E-posta: gufa@vitoria-gasteiz.org

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.