Bisita gidatuak liburutegietara - Udaleko hezkuntza-jarduerak – 2021-2022 ikasturtea -

Hiria ezagutzea

Izen-ematea: abenduaren 13tik 22ra. Izena eman jarduera honetan

Azalpena

Hezkuntza ziklo bakoitzari egokituriko hezkuntzako bisitak. Era atsegin eta praktikoan azalduko da nola antolatzen den Udalaren Liburutegi Sarea, zer zerbitzu eskaintzen dituen, bai eta nola erabiltzen diren ere.

  • Gasteizko udal liburutegien mapa: motak eta kokalekuak.
  • Zer da liburutegi bat? Zer dago liburutegi batean? Nola funtzionatzen du? Liburutegiek ematen dituzten zerbitzuak: aretoan irakurri eta kontsultatzea, mailegua, irakurzaletasuna bultzatzeko jarduerak, ikasteko gela, desideratak, ordenagailuak, wifia helduen liburutegietan...
  • Bazkide egin behar dut liburutegiko zerbitzuak erabiltzeko? Nola eta non eskatu behar dut bazkide txartela?
  • Nola antolatzen da liburutegia? Funtsen sailkapen eta antolamendua.
  • Lineako katalogoa (OPAC): nola jakin dezaket liburu bat liburutegian dagoen? Nola aurkituko dut?
  • Nola eska dezaket mailegu bat? Nola luza dezaket? Nola egin dezaket erreserba etxetik?

Adin talde eta liburutegi mota bakoitzari egokituriko metodologia erabiliko da. Jolas, dinamika, lineako katalogoan (OPAC) bilaketak egiteko praktika, funtsak non dauden aurkitzea eta abarren bidez jorratuko da gaia.

Saioaren bukaeran, taldearen arduradunei jardueraren balorazio fitxa betetzeko eskatuko zaie.

Balioak

Bizi-kalitatea, sormena, ekitatea, prestakuntza, identitatea eta barne hartzea.

Helburuak

  • Gasteizko udal liburutegiak, haien baliabideak eta zerbitzuak ezagutaraztea.
  • Irakurtzeko atsegina eta irakurzaletasunaren abantailak sustatzea.
  • Liburutegia ikastetxearen osagarri den lan tresna gisa baliatzen ikastea.
  • Informazioa aurkitzeko autonomia ematea, informazioa bilatu eta kudeatzeko gaitasunak garatuz.
  • Udal liburutegiak aukeran diren aisialdi eta prestakuntza gune gisa erabil daitezen bultzatzea.

Hartzaileak

Haur Hezkuntza (2. zikloa), Lehen Hezkuntza, Derrigorrezko Bigarren Hezkuntza, Derrigorrezko Bigarren Hezkuntzaren Ondokoa, Helduen Irakaskuntza Iraunkorra, irakasleak, gurasoak eta beste talde batzuk.

Antolamendua

  • Lekua: Gizarte etxeetako liburutegietan (Abetxuku, Aldabe, Arana, Ariznabarra, Arriaga, Hegoalde, Ibaiondo, Iparralde, Judimendi, Lakua, Pilar, Salburua eta Zabalgana)
  • Egutegia: 2022ko otsailetik ekainera.
  • Ordutegiak:
    • Aldabe, Arriaga, Hegoalde, Ibaiondo, Iparralde, Judimendi, Lakua, Pilar,Salburua eta Zabalganako familia liburutegiak: astelehenetik ostiralera 9:30etik 16:30etara.
    • Abetxuku, Arana eta Ariznabarreko liburutegiak: astelehenak 9:30etik 16:30etara / asteartetik ostiralera 13:30etik 16:30etara.
  • Beste taldeetako ordutegiak:
    • Abetxuku, Aldabe, Arana, Ariznabarra, Arriaga, Iparralde, Judimendi eta Lakuako liburutegiak: astelehenetan 9:30etik 16:30etara / asteartetik ostiralera 13:30etik 16:30etara.
    • Ibaiondo, Hegoalde, Pilar, Salburuko eta Zabalganako liburutegiak: astelehenetik ostiralera 13:30etik 16:30etara.
  • Iraupena: Haur Hezkuntzako taldeak: 45 min. Lehen Hezkuntzako zein beste taldeak: 60 min.
  • Parte-hartzaile kopurua: Gehienez ikastaldea. Beste talde batzuk: 30.
  • Hizkuntza: Gaztelania, euskara.

Parte hartzeko betebeharrak

  • Izen-ematea: eskabide fitxa abenduaren 13tik 22ra aurkeztu beharko da Interneten bidez.
  • Ordaintzekoa: ez.
  • Oharrak: ikastalde bakoitza bere irakaslearekin batera joango da, eta irakasle horren ardura izango da haiek behar bezala portatzea jarduera gauzatzen den bitartean. Eskabidea onartu ondoren jarduera horretara joaterik ez badago, gutxienez hiru egun baliodun lehenago jakinarazi beharko da. Aurreikusitako datan justifikazio nahikorik gabe agertzen ez bada, ez da aukerarik izango beste data batean parte hartzeko. Zerbitzuko oinarrizko araudia ez betetzeak programan berriro parte hartzeko aukera ez izatea ekar dezake berekin.

Informazioa

Ahal den neurrian posta elektronikoa erabiltzea eskertuko dizuegu.

  • E-maila: bibliobisitak@vitoria-gasteiz.org
  • Telefonoa: 945 161616 - luz. 4856 (Ordutegia: 8:00-15:00)
  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.