Newsletter gaztea 130.zk

Ligoteo jatorraren tailerra: ezagutu, konektatu, errespetatu

Abendu honetan izugarrizko plana duzu aurrez aurre konektatzeko, begiradak irakurtzen ikasteko, izotza hausteko eta postureorik gabe ondo pasatzeko. Doako tailerra. Izena eman!

G4zt3hubeko abenduko programazioa

G4zt3hub-San Martineko espazio gaztearen abenduko programazioa ikusgai duzue eta izen-emateak zabalik: lantegiak, txangoak, kotiliolia, eta abar. 12 eta 18 urte bitarteko gazteentzat.

Hirirako Eskubidearen Jardunaldia

"Gazteria Eraldatzailea: elkarbizitzaren erronka" gaia jorratuko du. Komunitate kohesionatuagoak eta anitzagoak eraikitzeko gazteek duten zereginari buruz hausnartuko da. Abenduaren 16an.

2025eko K-Pop Gabonak

Gabon hauetan, Vitoria-Gasteiz berriz ere erritmoz beteko da: masterclass, random dance eta hiriko K-pop taldeen erakustaldia. Abenduaren 27 eta 28a erreserbatu!

Gazte Talent musika banda eta bakarlarien deialdiak baditu irabazleak!

"Dirdaia" eta "Makriba" taldeek irabazi dute 2025eko lehiaketa. Euskarazko accesit-a "Nun" taldeak eraman du eta emakumeen presentziarena "Deus Ez" taldeak.

Gazte Hitzak erakusketaren azken egunak

Abenduaren 19ra arte duzu erakusketa honetaz gozatzeko aukera. Zatoz LABE Gazte Laborategira!

2025eko Gazte Klik Klak-ek baditu irabazleak!

Lehiaketara aurkeztutako 19 obren artean epaimahaiak 10 aukeratu ditu erakusgai jartzeko urtarrilaren 16tik aurrera.

IDEM: Kultura-identitatea ardatz duen istorio bat

Komiki hau gure komunitateko identitate askotarikoen eta aldakorren konplexutasunari buruz partekatzeko eta hausnartzeko egin da. Gazteekin batera sortua.

Podcast. Gazteekin elkarrizketan: kirola espazio segurua al da?

Ainhoa Azpitarte aktorearekin podcast honetan, kirol espazioak neska gazteentzat seguruak eta osasungarriak izan daitezen gogoeta egingo dugu. Abenduaren 12an. Hartu zure gonbidapena!

0 km-ko Dantza Gala

Galak helburu du Arabako dantzaren talentu profesional gazteak batzea. Abenduaren 29an izango da, Felix Petite Antzokian.

Izaki Gardenak. Kontzertua

Abenduaren 26an Izaskun Arrue Kulturgunean Izaki Gardenak entzuteko aukera izango duzu. Sarrerak salgai.

LH-ko Erasmus bekak

Vital Fundazioak berriz atera ditu Lanbide Heziketako Erasmus bekak hurrengo ikasturtean enpresetan praktikak egiteko.

Gazteentzako lana bilatzeko tailerra

16 eta 35 urte bitartean dituzu eta zure lan-etorkizunean jauzi bat eman nahi duzu? Eman izena tailer honetan ikasteko, curriculuma egiten, lan-elkarrizketei aurre egiten eta Internet bidez enplegua bilatzen.

Hitzaldia: IA eta indarkeria digitalak, ziberzaintzako estrategiak Hegoaldetik

Hizlaria: Luisa Fernanda Pineda Cadavid (Mujeres que crean, Colombia). Abenduaren 12ko 18:30ean, Montehermoso Kulturunean.

Gazte Informazioa sare sozialetan

Ez baduzu ezer galdu nahi, begira itzazu gure sare sozialak.