Udal Instalazioen Albiste Digitala - 2019/2020ko Negua

Informazio-buletin berria

2020 urtetik aurrera informazio-buletin berri bat ekonomiko,eraginkor eta jasangarriagoa kaleratuko dugu; posta elektroniko bidez jasoko dute udalaren instalazioetako bazkideek, eta aldiro-aldiro informazio eguneratua eskaintzeko aukera emango digu. Jaso nahi baduzu, eman izena.

Gogan izan! Izena berriro emateko epea abenduaren 2tik 11ra izango da

Gizarte etxeetan edo kirol instalazioetan dagoeneko jarduera batean ari bazara, gogoan izan abenduaren 2tik 11ra bitartean eman beharko duzula berriro izena bigarren hiruhilekorako. Lekurik lortu ez baduzu eta jardueraren bat interesatzen bazaizu, abenduaren 16tik aurrera izango duzu aukera geratzen diren leku hutsetan izena emateko.

Udalaren Liburutegi Sareak antolatzen duen programan ere, aurretik izena eman eta matrikula ordaindu behar den jardueretan, prezio murriztua izango duzu udal instalazioetako bazkidea bazara

Baldintza horiek betetzen dituzten lantegiei eta irakurketa klubei buruzko argibideak hemen: www.vitoria-gasteiz.org/liburutegiak.

Kultur ikastaroak: izena emateko epea zabalik

Artearen, historiaren, musikaren, zinemaren eta ardo dastaketaren inguruko gaiak aurkituko dituzu, besteak beste. Abonatua bazara, matrikula murriztua duzu.

Kirol Bidean Udazken-Negua: Gasteizko negua beste era batez bizi ezazu

12 eta 30 urte bitartekoa bazara Kirol bidean programa zuretzat da. Izotzaz, elurraz, urez…gozatu! Proba itzazu snowboarda, izotz gaineko kirolak, mendiko teknikak, uretako jarduerak… guztira 8 jarduera dira. EMAN IZENA! 2019ko azaroaren 1etik kanpaina amaitu arte (leku mugatuak).

Eskalada-murruak Kirol Instalazioen Sarean

Kirol instalazioen sareak 3 eskalada murru ditu Ariznabarreko kiroldegian eta Hegoaldeko eta Salburuko gizarte etxeetan kokatuta. Eguneko sarreraz gain, bonu mota ezberdinak daude (hilekoa, hiruhilekoa eta urtekoa). Bazkideak diren pertsonek %40 murrizpen ekonomikoa daukate eskalada murruak erabiltzeko erosten duten edozein sarrera motan.