Kirol albistegi digitala - 2026ko otsaila

Otsailaren 12an Gure Kirola Sariak ekitaldiaren V. edizioa izango da Europa Biltzar Jauregian

Gasteizko Udalak eta Arabako Foru Aldundiak Gure Kirola Sariak izeneko galaren V. edizioa antolatu dute. Bertan, Arabako kirol-jardueran nabarmendu diren pertsona eta erakundeen lana balioetsi eta aintzatetsi nahi da. Horien izenak Gasteizko Udalaren eta Arabako Foru Aldundiaren ohiko bideetatik jakinaraziko dira.

Mahai-tenisa probatu nahi duzu? Lautaro Mahai Teniseko Klubak eta Lakuako gizarte-etxeak aukera emango dizute

Otsailaren 1ean zatoz Lakuako gizarte-etxera kirol hau doan probatzera eta lehiaketa ofizial bat ikustera. Oso dibertigarria izango da. Izena eman lekurik gabe ez geratzeko eta anima zaitez lagunekin, familiarekin edo bakarrik etortzera.

Kirol-buletin digitala: zer dio gogobetetze-inkestak?

Ba al zenekien 20.856 pertsonak jasotzen dutela hilero Kirol Zerbitzuaren buletin digitala? Eskerrik asko guztioi zuen leialtasunagatik. Kalitatean hazten jarraitzea da gure helburua, eta gero eta jende gehiagori hurbiltzea jarduera fisikoarekin eta kirolarekin lotutako Udalaren albiste guztiak.

Kirol Bidean: oraindik plaza libreak geratzen dira

12 eta 30 urte bitartekoa bazara eta negu honetako asteburuetan zerbait desberdina egin nahi baduzu, Kirol Bidean programa zuretzat da. Plaza libreak geratzen dira izotz gaineko kiroletan, kirol-eskaladan eta orienteeringean. Apuntatu zaitez plazak agortu baino lehen!

Neguan, gozatu Udalaren izotz-pistaz

Bakh-en kokatutako izotz-pistak ateak zabalik ditu, pertsona guztiak izotz gainean irristatuz dibertitzera joan daitezen. Izotzean lehen urratsak ematen lagunduko dizuten "taka-takak" ditu, eta gurpil-aulkian dauden pertsonek irristatuz gozatu ahal izateko plataforma bat. Gogoratu, abonatua baldin bazara, zure Herritarren Udal Txartela aurkezten baduzu, ez duzula sarrerarik ordainduko.

Ezagutzen al duzu Mugiment Kirol Txartela (KTM) eta eskaintzen duen guztia?

Hainbat arrazoi direla-eta beste herri batzuetan kirola egin behar baduzu, jakin behar duzu urteko kirol-instalazioetako abonua duten pertsonek beste udalerri batzuetako instalazioetara doan sartzeko aukera dutela (erabilgarritasunaren arabera).