Berdintasunerako Zerbitzuaren aldizkaria - Urtarrila 2022

Antzerkia: 'Urpekakariak' haurrentzako bertso-antzerkia

Modu sotil eta umoretsuan, ikuslerik txikienak zirikatuko dituzte beren gorputzei begira jarri eta aniztasunaz, sexualitateaz, genero-rolez... hausnar dezaten.

Dokumentala: "Aurrera egin badugu"

Jaizkibel konpainiako kideei egindako elkarrizketen bitartez, Hondarribiko Alardeko parte hartze parekidea izango du hizpide. Emanaldiaren ostean, solasaldia izango da konpainiako kideekin.

Antzerkia: 'FAM'

Les Impuxibles taldeak gorputza espazio okupatu (eta politizatu) gisa aurkezten du bere obran. Elikadura-nahasteez, zahartzeaz, naturalaren pornifikazioaz… hausnartzera bultzatuko gaitu.

Lehenengo solasaldi feminista

Otsailaren 1ean hasiko ditugu tertuliak, duela hamarkada batzuetatik hona mugimendu feministen barruan desadostasun gehien sortu dituen gaietako batekin: prostituzioa.

Ez normalak, ez otzanak

Erakusketa honetan, Lumagorri HAT kolektiboak historian zehar eta maila globalean sexu- eta genero-aniztasunarekin zerikusia duten mugarri batzuk proposatzen dizkigu. Erakusketa Emakumeen Etxean egongo da otsailaren 10era arte eta honako bisita gidatu hauek izango ditu: urtarrilak 15, 11:30 (gaztelaniaz); urtarrilak 29, 11:30 (euskaraz); otsailak 5, 11:30 (gaztelaniaz); otsailak 9, 18:30 (euskaraz).

Zure udal liburutegian

'Familia aniztasuna' eta 'Desio heterodisidenteak' irakurketa gidek Udalaren Liburutegi Sarean eskuragarri dauden nobela, narrazio, saiakera, poesia, haur ipuin eta gazte literaturako izenburuak biltzen dituzte. Aukera ona dira sexuari eta generoari buruzko iruditeria nagusiaren errealitateak ez diren beste errealitate batzuetara hurbiltzeko.

Animatu zaitez urtarrilaren 25eko Berdintasun Elkargunera

18:00etan izango da Emakumeen Etxean. Sar zaitez, gai-ordena ezagutzeko. Aldez aurretik izena eman behar da.

Ikusgai, azken hitzaldiak

Jabetze Feministarako Eskolako azken hitzaldiak galdu bazenituen, hemen aurkituko dituzu guztiak: 'El feminismo en la resistencia Saharaui', 'Hiruki gatazkatsua', 'Manifiesto de las mujeres viejas'...

Lantegia: Hilekoa, pobrezia eta jasangarritasuna

Setem Hego Haizeak antolatzen duen tailer honek hilekoa modu jasangarriagoan emateko estrategiak eta tresnak jorratuko ditu.