Maiatzak 17, Lesbo-Gay-Transfobiaren aurkako Nazioarteko Eguna, 76. zk.

Lesbo-Gay-Transfobiaren aurkako Nazioarteko Eguna

Maiatzaren 17a dela eta, sexu- eta genero-aniztasuna ikustarazi nahiko genuke. Lan hori gakoa da LGTBI pertsonen diskriminazioei eta erasoei aurre egiteko. Antolatu ditugun jardueretan parte hartzera animatzen zaituztegu.

Hitzaldia (maiatzaren 14an): 'Adingabe transak' kategoria konplexua

Miquel Missérekin, soziologo eta trans aktibistarekin, arau sozialetik kanpoko genero-adierazpenen inguruan bizirik dauden eztabaidei helduko diegu, begirada kritiko eta irekiarekin, adingabeak erdigunera ekarriz.

Lantegia (maiatzaren 16 eta 17an): Gurasotasun ez-heterosexualak; auzi nagusiak eta erronkak.

Gracia Trujilloren eskutik. Lantegi misto honetan gai nagusiak ikusiko ditugu; hala nola, lagundutako ugalketako tekniketara (ez) jotzea, lege-aldaketek seme-alabatasunean izan duten eragina edo biologia ahaidetasuna ezartzeko funtsezko lokarritzat jotzearen gorabeherak.

Aurkezpena eta eztabaida: EnFemme dokumentala (maiatzaren 22an)

EnFemme, Bartzelonako "crossdressing" klubaren bizitzan barreiatzen da. Klubbean, aurreiritzirik gabeko gune askea eskaintzen zaie trantsizioan dauden, genero-etiketei ihes egiten dieten eta femenino janzten diren pertsonei. Aurkezlea Alba Barbé i serra, zuzendaria, izango da.

Antzerkia: Inundación (ekainaren 1ean)

Magda De Santo, antzerkigile argentinarra lesbofeminista den antzezlan honen zuzendaria da. Bertan gaur egungo gaiak jorratzen dira: pospornoa, polimaitasuna, abortoa, lesbianen arteko aliantzak eta liskarrak, bi, cis, trans eta gai gehiago agetzen dira krisian dagoen bikote batean. Produkzioa: Histeria Kolektiboa.

Sorginenea-Gasteizko Emakumeen Etxea Elkarteak udalarekin hitzarmena sinatu du proektua martxan jartzeko

Emakumeen etxea inklusiboa, irekia eta askotarikoa izango da, eta Gasteizko erreferente bihurtzea du helburu emakume guztientzat eta feminismoaren eta berdintasunaren alde lan egiten duten kolektibo guztientzat.

Gasteizek LGTBIfobiaren kontrako behatokia izango du

Tresna berri horren bitartez, LGTBI elkarteekin batera zehaztuko dira LGTBI pertsonei zuzendutako informazioa, kontzientziazioa, prebentzioa, detekzioa, bideratzea eta arreta hobetzeko jarraibideak.

Solasaldia: Etxeko eta zaintzako langileak (maiatzaren 15ean)

Zaintza-kate globalaren tokiari buruz, Honduraseko etxeko Langile Ordainduen Sarearen esperientziari buruz eta Vitoria-Gasteizko eta EAEko etxeko langileen sektoreari buruz solas egingo da. Dinamizatzailea: A.M.A.R. kolektiboa.