Berdintasunerako Zerbitzuaren aldizkaria, 66 zk.

HARA! Genero-Berdintasunerako IV Plana hemen da

Pasa den martxoko Osoko Bilkurak onartu zuen eta 2018-2021 urteetan zehar gauzatuko da.

Hitzaldia (apirilaren 10ean): Feminismotik literaturaren plazara sartu ginenekoa

Danele Sarriugarte eta Kattalin Miner egungo literaturan dauden joerez mintzatuko dira. Sarriugarte itzultzailea, ekintzaile feminista eta hainbat komunikabidetan kolaboratzailea da; Miner, kazetaria eta militante feminista. Euzkaraz.

Lantegia (apirilaren 20an eta 21ean): Lesbianismo politikotik borroka transfeminista intersekzionalera.

Lantegi honetan genealogia feminista, lesbiano, queer eta transfeministetan zehar ibilbide bat egingo dugu, oinarrizko testu batzuk hizpide hartuta (besteak beste, hauen testuak landuko ditugu: Gretel Amman, Monique Wittig,Adrianne Rich, Audre Lorde, Paul Preciado, Judith Butler edo Sylvia Riverarenak). Gracia Trujillo, Soziologian doktorea eta Gaztela-Mantxako Unibertsitatean irakaslea.

Ikastaroa (hasiera: apirilaren 23an): Feminismoa mugetan

Banalerroan bertan, hots, bazterrean, eztabaida kokatzen duten autore feministen testuen inguruan sakondu, hausnartu eta eztabaidatuko dugu, hala nola, Gloria Anzalduaren testuetan (Borderlands/La Frontera, The new mestiza, 1987). Nahitaezkoa da aurretik bidalitako testuak irakurrita eramatea. TREBATZAILEA: Gladys Giraldo Velásquez, ekintzaile feminista eta Arabako Emakumeen Asanbladako kidea.

Berdinzinema zineforuma (apirilaren 26an): Bring the sun home

Dokumentalak kontatzen du mundu osoko emakumeek Indiara egindako bidaiaren esperientziak nola aldatu zuen haien bizitza. Jatorrizko bertsioa ingelesez, gaztelaniazko azpitituluekin.

Lantegia (maiatzaren 11an eta 12an): Euskal kantak

Ikastaro honetan betaurreko moreekin gure abestiak aztertu eta bertso berriak sortuko ditugu. TREBATZAILEAK: - Aitziber Pérez de Cárcamo, kazetaria eta Hala Bediko 'O no será, edo ez da izango' irratsaio feministako kidea eta Andere Arriolabengoa, bertsolaria eta ekintzaile feminista. Izen ematea: https://v-g.eus/2JigIXl

Apirilaren 12an egingo den berdintasunerako elkargunean parte hartzera gonbidatzen zaituztegu

Sartu eta ezagutu deialdia eta gai-zerrenda. Genero-berdintasunerako IV Plana aurkeztuko dugu.

DISZIPLINA ANITZEKO XI. JARDUNALDIA: "Emakumeok mundua eraldatuz"

Gasteizko Letren Fakultatean. Jardunaldi honetan honako gaiak landuko dira: indarkeria matxista, ziberfeminismoa eta "M8tik haratago". Izen-ematea: https://v-g.eus/2uNFOKr

Gasteizen maiatzaren 3 eta 4an egingo diren gazteei zuzendutako jardunaldiak

Pertsona gazteen errealitate anitz eta konplexuaren zenbait alderdiren gainean hausnarketa egiteko. Programaren barruan, maiatzaren 4an: "Gazteak indarkeria matxistaren aurka: ikuspuntuak artikulatuz, estrategiak eraikiz". Parte-hartzaileak: Alixe Rodriguez, FURIA rap musikaria eta Gaizka Tovar.