Berdintasunerako Zerbitzuaren aldizkaria, 45 zk.

Lantegia: Artearen bidea, sormena ahalduntzearen estrategia gisa

Prestatzailea: Virginia Imaz Quijera, pailazo profesionala. Emakumeok lortzeke dugu eskubide guztiak dituzten subjektu gisa bizitzea, eta ez gonbidatu edo turista gisa, irudimenezkoaren lurralde emankorra.

Lantegia: Feminismoa: bizitza eraldatzeko istorio inspiratzailea

Prestatzailea: Gladys Giraldo Velásquez, Arabako Emakumeen Asanbladako kidea.Emakumeen emantzipazioaren aldeko borroken ibilbidea eskaintzen du lantegiak. Teoria nagusiak, gertaera historikoak eta gaur egunera arteko mugimendu feministaren bilakaera landuko dira.

Ate irekien jardunaldia: Perkuneskak Batukada

Hiru egunetan perkusioan murgildu eta beste emakume batzuekin harremanetan jarri nahi baldin baduzue, Perkuneskak elkarteko entseguetara etor zaitezkete.

Autodefentsa feminista emakumeentzat

Prestatzailea: Maitena Monroy Romero, fisioterapeuta eta emakumeen kontrako indarkerian aditua. Lantegiok trebetasun fisikoak eta indargune psikologikoak garatzea dute helburu, emakumeen aurka gerta daitezkeen indarkeria-gertaerei erantzuteko.

Proiektuen jarraipena eta ebaluazioa

Prestatzailea: Rocío Rodríguez Prieto, Soziologoa eta aukera berdintasunen politiketan aditua. Lantegi hau prestakuntza-eremua da; bertan jarraipen- eta ebaluazio-prozesuak landu eta bideratzeko gakoak eskaintzen ditugu genero-ikuspegitik. Izena emateko, mail bat bidali helbide honetara: BerdinEskolaVG@vitoria-gasteiz.org

Hitzaldia: Erantzunkidetasuna eta zaintza antolatuz

Hizlariak honako hauek izango dira: Mariano Nieto Navarro, Berdintasunaren aldeko Sarea eta PPiiNA (Jaiotza edo Adopzioagatiko Baimen Berberen eta Besterenezinen aldeko Prataforma) elkarteko kidea; eta lba Artiaga Leiras, ekonomialaria eta ikerlaria UCMko Zientzia Politikoen eta Soziologiaren Fakultatean.

Zineforuma: Gloria (Sebastián Leliok zuzendua)

Komedia. Gloriak 58 urte ditu eta bakarrik dago bizitzan. Hutsunea konpentsatzeko, jarduerez betetzen ditu egunak eta gauetan maitasuna bilatzen du ezkongabe dauden pertsona helduentzako festen munduan. Sarrera doan tokiak bete arte.

Erakusketa. Sexu-Txalo-Muxu-Tiro-Pum!

Sexu-Txalo-Muxu-Tiro-Pum! proiektua sentsibilizazio eta herritarren parte hartze ekimena da. Honen bitartez, Medicus Mundi Araba elkartetik, diziplina artistiko ezberdinetatik abiaturik, Sexu eta Ugalketa Eskubideen egoeraren inguruan gogoeta proposatu nahi dugu, bai gure artean zein munduko beste herrialdeetan.

Hitzaldia: Emakume etorkinak, ekintzaren subjektu

Hizlaria: Carmen Gregorio Gil. Granadako Unibertsitateko Antropologia Sozialeko irakasle titularra. (Ekintza hau kokatzen da XII Berdintasunerako Gunean, Emakunde bultzatua).

Berdintasunaren alde bizi eta lan egiteko baliabideen gida

Zenbait elkarte, gizarte-eragile eta administraziok jarduerak, zerbitzuak eta baliabideak eskaintzen dituzte; gida honetan horiei buruzko informazioa aurkituko dugu.