Berdintasun Zerbitzuko Aldizkaria - 2026ko urtarrila

8 eta 10 urte bitarteko haurrei zuzendutako tailer honetan, Jantzi eta Erantzi jolasaren bidez pertsonaiak sortuko ditugu elkarrekin, eta ondoren bizia emango diegu hainbat rol-jokoren bidez; horrela, genero-identitatearekin eta -adierazpenarekin, desiraren orientazioarekin eta abarrekin zerikusia duten gaiak landuko ditugu.

14 eta 18 urte bitarteko neskei zuzenduta, talde-dinamiken bidez lineako indarkeria matxistei buruz hausnartuko dugu eta ekiteko estrategia kolektiboak ikusaraziko ditugu, ingurune seguru eta parte-hartzaile batean zaintza digital feministak landuz eta guztion autonomia digitala indartuz.

4 eta 6 urteko haurrentzat eta haien konfiantzazko pertsonarentzat tailerra. Eguneroko egoeren bidez, jolasean, sexu‑ eta genero‑aniztasuna eta harreman eta adierazpen modu desberdinak esploratuko ditugu.

9–12 urte dituzten neskei zuzendutako tailer honetan, hilekoa zer den eta gorputzean zer gertatzen den modu errazean azalduko dugu. Lasai hitz egiteko gunea izango da, eta egunerokoan laguntzen duten tresna praktikoak ezagutuko ditugu.

ZORIONAK Mentxu Ramilori Emakunde sariagatik, Wikipedian egindako lan feminista eta aktibismoa eskertzeko!