Berdintasun Zerbitzuaren aldizkaria - 2022ko abendua

Jabetze feministarako eskola

		"Hablemos claro" liburuari buruzko aurkezpena Teresa Maldonado Barahona, FeminisAlde!-ko kidea eta filosofiako irakaslea izango dugu Emakumeen Etxean, feministok erabiltzen dugun hizkeraren gaineko kezkez aritu eta feminismoak ulergarria izan behar duela aldarrikatzeko.

		Andrezaharraren Manifestua. Ikuskizuna Emanaldiak oholtzara ekartzen ditu Mari Luz Estebanen liburuko poemak. Irakurketa uneak eta poema visual eta antzeztuak: biolinaren musika, pintura, antzerkia eta koreografia performatiboak modu umoretsu zein aldarrikatzailean.

		Herri Handi hitzaldia: Genocidio Cultural en la Sabana brasileña y las resistencias de las mujeres Diana Aguiar, Bahiako Unibertsitate Federaleko irakasle eta ikertzailea eta Defensa del Cerrado kanpaina brasildarrean laguntzailea, online izango dugu gurean Cerradoko Emakumeen Antolakundearen aldarrikapen eta ekimenei buruz aritzeko.

		Irakurketa errazeko klub feminista Irakurle-klub inklusibo honek irakurketa errazeko materialak erabiltzen ditu, eta, bertan, ozen irakurtzeaz gain, istorioei buruz hitz egin eta hausnartuko dugu, ikuspegi feministatik abiatuta.

		SOLASALDI FEMINISTAK: Argi hitz egin dezagun. Erretorika eta hizkuntzaren erabilera feminismoan Bueltan gatoz Gasteizko Emakumeen Etxeko Solasaldi Feministekin, Jabetze Feministarako Eskolaren hitzaldietan planteatutako ideia eta proposamen feministei buruz sakontzeko aukera ematen diguna.

		Eleen Ganbara zabalik Gabonetan Emakumeen Etxean Gabonetako oporraldian ez da jendaurreko arreta zerbitzurik emango. Baina Sorginenea elkartearen Etxeko Liburutegi Feminista irekita egongo da bere ohiko ordutegian! (jai-egunak salbu). Oraindik ez baduzue liburutegia ezagutzen, gerturatu, gerturatu!

Jabetze Feministarako Eskolako azken hitzaldiak galdu bazenituen, hemen aurkituko dituzu.