Pilar Aróstegui Udal Artxiboaren funtsen online katalogoa

Murgildu zaitez hiriaren memorian

Pilar Arostegui Udal Artxiboan (AMVG) Gasteiz hiriaren memoriaren zati handia dago gordeta, dela Udalaren agirietan, dela argazki, liburu eta era guztietako materialez osaturiko funtsetan. Hori bai, bertako ale guztiak zerikusia dute gure hiriarekin eta bertako herritarrekin.

Udal Artxiboaren lineako katalogoak bertan gordetzen den dokumentazioaren zati bat kontsultatzeko aukera ematen du. Pixkana handituz joango da baliabide digital hau. Gaur egun 1428-1775 eta 1812-1813 aldietako udal aktak eta Salvador Azpiazuren argazki-funtsak kontsultatu daitezke.

Horrez gain, kontsultatzeko moduan dago baita Elorriagako Kapareen Batzarraren 1567 eta 2004 aldiko artxiboa; funts hori ez da Udal Artxiboaren baitakoa, independentea baizik, eta Elorriagako herrian dago.

* Bila hasi aurretik.

Kontuan izan behar da bilaketak katalogazioan sartuta dagoen edozein hitz oso islatuko duela, eta ez horren zati bat. Lehenengo saialdian nahi genuena aurkitzen ez badugu, emaitzak findu ditzakegu, beste termino batzuk sartuz, edo urteen zein mendeen arabera iragaziz.

AMVGko materialak artxibozaintzako prozedura tradizionalak baliatuz katalogatu dira, eta ISAD fitxaren parametroak erabili dira edukiak erakusteko.