|
|
|
CEAk hitzarmen bat sinatu du Arabako Autismo
Elkartearekin
Urtarrilean aurrera jarraituko du Mugikortasun
Iraunkorraren aldeko Hiritar Foroak
Zabalganeko parkea eta Zadorra ibaia lotzeko
lanak kontratatu dira |
Vitoria-Gasteiz eta Arabako standak arreta handia piztu zuen CONAMA 8ko parte hartzaileengan 2006an bizikleta maileguko zerbitzuak 2005ean baino bi aldiz erabiltzaile gehiago eduki zituen Martxoan aisialdiko baratzezaintza ekologikoen ikastaroetarako izena emateko epea zabalduko da Hezeguneen Mundu Egunean zinema, hitzaldiak, hegaztien behaketa eta bisitaldi gidatuak izango ditugu Vitoria-Gasteizek ongietorria eskainiko die antzarei Gaueko bisitaldiak baso-igel jauzkaria ikusteko Salburuan "Adopta ezazu zuhaitz bat eta haz zaitez berarekin" kanpainan 1.500 zuhaitz banatu dira
Martxoaren 8tik aurrera, José Luis Pina
argazkilariak bere argazkiak erakutsiko ditu Olarizun |
|
CINDAko bibliografi berriak Deialdiak |
|
CEAk hitzarmen bat sinatu du Arabako Autismo Elkartearekin Arazoak izeneko elkarte honek autismoa eta garapenaren beste nahaste orokortu batzuk pairatzen dituzten lagunak biltzen ditu. Hitzarmenaren xedea baratzezaintza eta lorezaintza terapeutikoko jarduerak sustatzea da, frogatuta baitago teknika hauek eraginkortasun nabarmena dutela autismoa eta garapenaren beste nahaste orokortu batzuk jasatzen dituten pertsonen garapen eta egokitze orokorrean. Hitzarmen honen bidez, CEAk Olarizuko baratzeetako lursail bat eskainiko du baratzezaintza jarduera terapeutiko gisa garatu ahal izateko. Gogoan izan behar da horrela Olarizuko baratzeen helburuetako bat betetzen dela, hau da, herritar talde eta elkarteek natur eta nekazaritza inguruneari eta, espezifikoki, baratzezaintza ekologikoari lotutako jarduerak garatu ahal izatea. CEAk beharrezko material eta tresnak eskainiko ditu eta jarduera hau egiteko behar diren ekipamenduen erabilera ahalbidetuko du. Horrez gain, CEAko teknikariek baratzezaintza eta lorezaintza ekologikoko teknikei buruzko aholkuak emango dituzte. |
Urtarrilean aurrera jarraituko du Mugikortasun Iraunkorraren aldeko Hiritar Foroak Mugikortasun Iraunkorraren aldeko Hiritar Foroak aurrera darrai Mugikortasunaren aldeko Hiritar Ituna adosteko bidean. Herritar talde hau berriro bildu zen azaroaren 21 eta 29an, bi helburu betetzeko: Vitoria-Gasteizko hurrengo urteetako mugikortasunerako nahi diren jokalekuak definitzea, eta adostutako jokaleku horiek erdiesteko abian jarri behar diren helburuak eta neurriak finkatzeko lanean aurrera egitea. Mugikortasunaren aldeko Foroaren bigarren lantegi honen emaitzak Vitoria-Gasteizko Mugikortasun Iraunkorraren aldeko Planaren webgunean kontsulta daitezke: http://www.vitoria-gasteiz.org/mugikortasuna Urtarrilaren 25ean ospatuko den hirugarren lantegi batean, bigarren lantegian sortutako materiala orraztu eta itun forma eman beharko zaio. Hirugarren lantegi hau arratsaldeko 7etan izango da, Ignacio Aldecoa Kultur Etxean. Honi buruzko informazio gehiago, Planaren webgunean. Badago parte hartzerako beste bide bat ere, hain zuzen Vitoria-Gasteizko Mugikortasun Iraunkorraren aldeko Planaren webgunean eratu den eztabaida foroa: http://www.vitoria-gasteiz.org/foros Aurkibidera igo |
Zabalganeko parkea eta Zadorra ibaia lotzeko lanak kontratatu dira 2006an zehar "Armentiako parkearen eta Zadorra ibaiaren arteko konektibitate proiektua" izeneko proiektua idatzi zen. Lan honek jada eraturik dauden Eraztun Berdeko hainbat parke lotu nahi ditu eta hiringuruko zona berdeen sarea itxi nahi du hiriaren mendebaldean. Proiektua hainbat fasez osaturik egongo da; horietako lehena 2007an egingo da 4. zona deitu den tokian, hau da, Zabalganeko parkearen eta Zadorra ibaiaren artean dagoen zatian. Lanaren helburuak, esparru horren leheneratze ekologikoa, integrazio paisajistikoa eta erabilera publikorako egokitzea dira. Galtzaden bidegurutzeak egokitu egingo dira autoak astiroago higitu daitezen eta ibilgailuen zirkulazioak sortzen duen zarata murrizteko. Horrela, oinezkoak eta txirrindulariak sergurtasun baldintza egokietan mugitu daitezen lortuko da. |
Vitoria-Gasteiz eta Arabako standak arreta handia piztu zuen CONAMA 8ko parte hartzaileengan Ingurumen Biltzar Nazionala, ekitaldiz ekitaldi, ingurumen gaiak eta garapen iraunkorra aztertzen duen bilgunerik garrantzitsuena bihurtu da Espainia mailan. Azken ekitaldiak, 2006. urtearen bukaera aldean ospatu zenak, 10.500 biltzarkide bildu zituen, aurreko ekitaldian baino 3.000 gehiago alegia. Ekitaldi honetako berritasun nagusia Tokiko Topaketa izenekoa izan zen. Topagune hau tokiko administrazioaren ikuspuntutik egindako eztabaidak biltzeko gunea izan zen, eta bere inaugurazio ekitaldian Vitoria-Gasteizko alkateak hartu zuen parte. Vitoria-Gasteizek partehartze tekniko eta instituzional oso nabarmena izan zuen Biltzarraren topaketa, mahainguru eta jardunaldi teknikoetan. Horrez gain, gure hiriak erakustoki bat prestatu zuen Arabako Foru Aldundiarekin batera, hiriak iraunkortasunaren alorrean dituen proiektu nagusiak erakusteko, hala nola, Tokiko Agenda 21, Iraunkortasun Behatokia, Eraztun Berdea, Ingurumen Informazioko Sistema, garapen iraunkorrerako ingurumen sentsibilizazio eta hezkuntza programa, Bide Berdeen Plana, etab.
Biltzarraren azken ekitaldi honetan aurkeztu
ziren komunikazioak online eskuratu daitezke ondoko helbidean: |
Salburuko parkearen eta Alegría ibaiko korridorearen arteko oinezko eta txirrindularientzako pasealekuaren egokitze proiektua Proiektu hau urbanizazioek eta azpiegitura lanek eragindako ingurune oso gizatiartu batean gauzatuko dira, Buesa Arenaren aparkalekuaren eta Betoñuko industrialdearen artean. Esparru hau eraikitze lanetan dauden hiru eraikinetatik hurbil dago: Vital Eraikina, Baskoniaren Kirol Hiria eta Natura Ezagutzeko Zentroa izango den Ataria. Salburuko 15. hirigintza sektorean dago kokaturik. Ekintza honetan hainbat lan egingo dira. Alde batetik, oinezkoentzako eta txirrindularientzako bideak eratuko dira Salburuko parkearen eta Alegría ibaiaren korridorearen artean, eta orain existitzen direnak hobetu eta zabalduko dira. Bestetik, sektorea bere osotasunean ekologikoki hobetu eta paisakistikoki integratu nahi da; horretarako, ingurunearen orografia eraldatuko da eta beste hainbat lan egingo dira, hala nola, landare lurrez estaliko da, larreak ereingo dira eta heskaiak eta zuhaitz helduak landatuko dira.
Proiektuaren xede espezifikoak ondoko hauek dira:
|
2006an bizikleta maileguko zerbitzuak 2005ean baino bi aldiz erabiltzaile gehiago eduki zituen 2006an zerbitzua apirilaren 10ean jarri zen abian eta azaroaren 30a arte egon zen indarrean. Mailegua ondoko puntuetan eskaini zen: Aldabe, Arriaga, El Pilar, Iparralde, Hegoalde, Judimendi eta Lakua gizarte etxeak, Medizorrotzeko kiroldegia, El Boulevard merkataritza gunea eta Turismoko udal bulegoa. Puntu hauetako bakoitzean 10 eta 25 bizikleta artean utzi ziren eskuragarri, leku bakoitzean behatu zen eskariaren arabera. Mailegu sasoia amaitu ondoren 29.613 erabiltzaile erregistratu ziren, hau da, 2005ean baino %51 gehiago. Era berean, mailegu kopurua 85.239koa izan zen, 2005ean baino %73 gehiago. Mailegu kopuru handiena Aldabe gizarte etxean izan zen, eta ondoren Turismoko udal bulegoan eta El Pilar gizarte etxean. Mailegu kopuru handienak maiatza, ekaina eta uztailean egin ziren. Mailegu denbora 4 ordutara jaitsi izana oso lagungarria izan zen erabilera kopurua handitzeko eta zerbitzua hobeto antolatzeko. |
Martxoan aisialdiko baratzezaintza ekologikoen ikastaroetarako izena emateko epea zabalduko da Aurreko urteetan bezala, CEAk helduentzako aisialdiko baratzezaintza ekologikoko programa bat jarriko du abian laster. Programa hau maiatzean hasi eta uztailean amaituko da eta Urarteko baratzeetan (Abetxukun) eta Olarizuko baratzeetan egingo da. Urarteko baratzeetan bi jarduera eskainiko dira, bakoitza talde berezi batentzako prestatutakoa baina modu paraleloan garatuko dena. Alde batetik, "Adinekoentzako aisialdiko baratzezaintza ekologikoko ikastaroa" deiturikoa egingo da beste urte batez. Ikastaro honek 55 urtetik gorako 30 parte-hartzaile izango ditu. Beste aldetik, lehen aldiz mota honetako ikastaro bat jarriko da martxan 18 urtetik gora eta 55 urtetik behera dituen jendearentzat. Lagun hauek baratze bat modu iraunkor eta ekologikoan lantzeko beharrezkoak diren oinarrizko ezagutzak jasoko dituzte. 60 orduko iraupena duten ikastaro hauek amaitu ondoren, 60 parte-hartzaileetako bakoitzak 75 m²-ko lursail bat baliatu ahal izango du ikastaroan zehar jaso dituen ezagutzak praktikan jartzeko. Bestalde, Olarizuko baratzeetan 40 orduko "Baratzezaintza ekologikoko lantegia" eskainiko da, 16 urtetik gorako edonorentzat. Bere helburua herritarren artean baratzezaintza ekologikoa sustatzea da, baratze ekologiko baten maneiua modu erraz eta sinplean azalduz. Jarduera hauetarako izena emateko epea martxoan hasiko da. Informazio gehiago: |
|
Hezeguneen
Mundu Egunean zinema, hitzaldiak, hegaztien behaketa eta bisitaldi gidatuak
izango ditugu
Hezeguneen mundu eguna urtero ospatzen da, otsailaren 2an, Hezeguneen Ituna onartu zen eguna gogoratzeko. Hezeguneen egoera, balio, funtzio eta mehatxuen inguruko gogoeta egin nahi den egun honetan, Ingurugiro Gaietarako Ikastegiak ibaiak hartu ditu jomugatzat, gurengandik hurbil dauden eta kontserbazio arazo handiak dituzten ekosistemak baitira. CEAk prestatutako egitarauaren baitan jarduera ugari antolatu dira egun hau ospatzeko: ibaiei eta hezegunei lotutako hainbat film, bisitaldi gidatuak Zadorra ibaira eta Salburuko urmaeletara, hegazti akuatikoak behatzeko estazioak eta Zadorra ibaiaren paisaiaren eboluzioari buruzko proiekzio bat.
Egitarau osoa ondoko helbidean ikus daiteke: |
|
Datozen Hiri
Ekologiaren Gelek natur parkeen kudeaketa eta Zadorra ibaiaren paisaiak
izango dituzte gaitzat
Ingurugiro Gaietarako Ikastegia 2007. urteko Hiri Ekologiaren Gelaren egitaraua
prestatzen ari da. Jada erabakita dago zein izango diren hurrengo bi Gelen
gaia. Alde batetik, tokiko administrazioek naturguneen kudeaketan egiten
duten lanaz hitz egingo da, eta bestetik, Zadorra ibaiaren paisaien irudi
bidezko azterketa egingo da. Informazio gehiago eskuratu daiteke ondoko
helbidean: Bestalde, prest dago 2006ko abenduko Hiri Ekologiaren
Gelaren laburpena. Gela honek erosketa publiko berdea izan zuen gaitzat.
Agiri hau ondoko helbidean dago (momentuz gaztelaniaz, PDF, 111 KB): |
Vitoria-Gasteizek ongietorria eskainiko die antzarei Gure lurraldera iritsi diren antzara arrunt (Anser anser) aleei ongietorria emateko asmoz, urtarrilaren 27an ekitaldi bat antolatuko da Salburuko hezeguneetan. Goiz horretan parkera doan jendeak hegazti hauen portaera berezia ikusi ahal izango dute eta beren biologiaren xehetasunak ezagutu ahal izango dituzte. |
Gaueko bisitaldiak baso-igel jauzkaria ikusteko Salburuan CEAk bigarren urtez antolatu ditu bisita hauek, nahi duenak baso-igel jauzkarien aleak araldian ikusi ahal izan ditzan Salburuko parkean. Anfibio hau ez da ikusteko erraza, gautarra eta oso urria baita. Animalia hau ezagutu nahi baduzu, eman izena Salburuko urmaeletara joateko antolatu diren gaueko bisitaldiez gozatzeko, eta hezegune honetako erroldan dauden 800 aleetako bat ikusi ahal izango duzu. Bisitek ez daukate hartzaile berezirik, edozeinek egin ditzake, eta beren xedea animalia hauen ezagutza eta errespetua sustatzea da. Bisita aprobetxatuz, urmaelaren barneko bisitaldi gautar batez gozatu ahal izango da, sasoi honetan igel emeen arreta bereganatzeko lehian ari diren ar abeslarien koruak entzunez. Bisitak otsailaren 23an eta martxoaren 2an egingo dira, 19:30etatik 21:30etara. Abiapuntua Salburuko informazio puntua (Arkautiko sarreran dagoena) izango da. Gomendagarria da esku-argiak, bekokiko argiak eta berokia eramatea. Informazio gehiago: Aurkibidera igo |
"Adopta ezazu zuhaitz bat eta haz zaitez berarekin" kanpainan 1.500 zuhaitz banatu dira Beste urte batez, CEAk "Adopta ezazu zuhaitz bat eta haz zaitez berarekin" kanpaina antolatu du. Aurten egingo den landaketaren bitartez, Salburuko hezegunetik igarotzen den Errekaleor erreka zatiaren ibaiertzak leheneratzen lagunduko da. Kanpainak bi xede ditu: alde batetik, Vitoria-Gasteizko Eraztun Berdeko basoak berreskuratu nahi dira, eta bestetik, bertako landareak erabili nahi dira lursail pribatuetako basoak berritu eta apaintzeko. Aurten haritza erabiliko da espezie nagusi gisa, baina antzina udalerriko ibai eta erreken ertz eta uholde esparruetan ugari ziren hariztiei loturiko beste espezie batzuk ere banatuko dira. Kanpainaren XI. ekitaldi hau abenduaren 21ean hasi zen. Egun horretan 1.500 ale banatu ziren Plaza Berrian kokatu zen karpa batean. Bigarren fasean zuhaitzak Salburuko parkean, Errekaleor errekaren ertzean, landatu, ureztatu eta ongarrituko dira. Landaketa martxoaren 18an egingo da, Basoen Mundu Eguna aprobetxatuz, goizeko 11:00etatik arratsaldeko 14:00etara. Jardunaldia girotzeko, haurrentzako jarduerak antolatuko dira, hamaiketako bat banatuko da eta parte hartzaileei kanpainaren oroigarri bat oparituko zaie. Informazio
gehiago: |
Martxoaren 8tik aurrera, José Luis Pina argazkilariak bere argazkiak erakutsiko ditu Olarizun Martxoaren 8tik apirilaren 8ra José Luis Pina argazkilari gasteiztarrak bere argazkien lagin bat aurkeztuko du Olarizuko etxaldeko erakustaretoan. Proiektu honi "Imaginando" deitu dio argazkilariak. José Luis Pinaren hitzetan, "erakusketa honek ikuslea konplize izan dadin eta bere muinaren parte bihur dadin" eragin nahi du. Hori lortu asmoz, zirraren ariketa bat egitea eskatzen du. Naturaz, argiaz, koloreez, itzalez gozatzea eskatzen dio ikusleari. Txikia handi bihur dadin, arrunta eder izan dadin, minimalismorik puruenak unibertso propioa eduki dezan lortzen duen orori probetxua atera diezaion. Norbaitek musika entzun izana somatu zuen lekuan soinua sortu dadin. Itzultzen zarenean dena lehen zegoen moduan gera dadin, denak bertan jarrai dezan. Eta gogoratu, sentitu zenuen guztia ez zen izan zure irudimenaren emaitza. Informazio gehiago: Aurkibidera igo |
"Bizikleta historikoak 1860-1945", CEAko erakusketa berria Vitoria-Gasteizko Udala Mugikortasun Iraunkorrerako Plan bat prestatzen ari da, eta bizikleta hiriko mugikortasunerako alternatiba izan dadin lanean ari da. Aitzakia hau erabiliz, Olarizuko etxaldeko erakustaretoak bizikletaren inguruko erakusketa bat programatu du. Hain zuzen, erakusketaren izenburua "Bizikleta historikoak 1860-1945" da. Erakusketa urtarrilaren 18tik otsailaren 18ra dago ikusgai, biak barne.
Informazio gehigo: |
| CINDAko bibliografi berriak |
|
CEAko Ingurumen Informazio eta Dokumentazioko Zentroak
(CINDA) bere datubase bibliografikoa kontsultatzeko aukera eskaintzen du
ondoko web helbidean: |
| CEAren deialdiak |
| Baratzezaintza ekologikoko ikastaroak Olarizun eta Abetxukun |
Egunak: 2007ko maiatzetik ekainera |
| Hezeguneen Mundu Eguna |
Egunak: 2007ko otsailaren 3 eta 4 |
| Ongietorria antzarei |
Eguna: 2007ko urtarrilaren 27an goizean |
| Gaueko bisitaldiak Salburuko parkera |
Egunak: 2007ko otsailaren 23 eta martxoaren 2 |
| Erakusketa: "Bizikleta historikoak 1860-1945" |
Egunak: 2007ko urtarrilaren 18tik otsailaren
18ra |
| Erakusketa: "Imaginando", José Luis Pinarena |
Egunak: 2007ko martxoaren 8tik apirilaren 8ra |
|
Aldizkari digital hau edo
CEAko webgunea diseinu aldetik hobetzeko edozein ideia edo iradokizun baldin
baduzu, edo aldizkarira harpidetu nahi baduzu, bidal iezagugu posta
elektroniko bat
siam@vitoria-gasteiz.org
helbidera. Oharra: aldizkari honetan ageri diren irudi eta estekek CEAren webgunean kokaturik dauden elementuei loturik dauge. Posta elektronikoko zenbait aplikaziok arazoak izan ditzakete elementu horiek ikusteko. |
|
© Ingurugiro Gaietarako Ikastegia, Olarizuko
etxaldea, z/g, 01006 Vitoria-Gasteiz Tfnoa.: 945 16 26 96 E-posta: ceaadmin@vitoria-gasteiz.org |
| Vitoria-Gasteizko Udaleko Ingurugiro Gaietarako Ikastegiak jakinarazten dizu, Datu Pertsonalak Babesteari buruzko abenduaren 13ko 15/1999 Lege Organikoa betetze aldera, ematen ari zaren xehetasunak erakunde honek dituen datu pertsonalen fitxategi automatizatuetan sartuko direla. Fitxategi horien helburua Udal kudeaketak bere eskumenen alorrean dituen zereginak ahalbidetzea da. Zure eskubideez baliatu nahi baduzu –dagozkizun datuak ikusi, aldatu, ezeztatu edo kontra agertu–, jo ezazu goian ageri den helbidera. |