Proiektuak
Bizikleta maileguko zerbitzua
Vitoria-Gasteizko bizikleta maileguko zerbitzuak 600 bizikleta jartzen ditu herritarren eskura, doan, bizikletaren erabilera sustatzeko hirian.
Ideia
Ideia 2004. urtean sortu zen, bizikletaren erabilera sustatzeko, eta aldi berean beste zenbait ekimen abiatu ziren, esaterako oinezkoentzako eta txirrindularientzako ibilbideak egokitzea.
Bizikleta maileguaren asmoa ibilgailu mota hau jendearengana hurbiltzea da. Horretarako, bizikletak kale ertzean jarri dira, mundu guztiak ikus ditzan. Bizikletak egun duen irudiari kontra egin nahi zaio, garraio modu marjinaltzat eta soilik jende gazteak, egoera fisiko ona duenek eta ingurumenaren aldeko jarrera sendoa dutenek erabiltzen duten garraiobidetzat har dadin saihestuz.
Zerbitzu honen helburua ez da herritarren bizikletazko desplazamendu premia guztiak asetzea, baizik eta erakusleiho bihurtzea bizikletaren erabilgarritasuna, erosotasuna eta usu erabiliz gero bizi kalitatean eragiten duen hobekuntza erakusteko.
Ekimenak
- 11 mailegu puntu sortu dira hirian zehar modu homogeneoan eta leku estrategikoetan sakabanaturik (gizarte etxeak, kirolguneak, merkataritza guneak)
- Puntu bakoitzean 20 bizikleta jarri dira herritarren eskura, lau orduz doan erabili ditzaten. Aurretiaz izena eman behar da erregistro batean eta erabilera baldintzak onartu behar dira
- Zerbitzua kudeatzeko sistema informatiko bat sortu da
- Ezgaitasunak dituzten pertsonentzako zenbait ibilgailu prestatu dira (tandemak itsuentzat eta trizikloak mugikortasun urriko pertsonentzat)
Emaitzak
- 21.351 lagunek eman dute izena zerbitzua erabiltzeko
- 50.000 erabilera 2005. urtean
- Herritarrek hobeto ulertzen dute bizikletak hiri garraio gisa duen erabilera
- Bizikletaren erabilera handitu egin da hirian
- Bizikleta talde gehiagok erabiltzen dute: profesionalek, emakumeek, adinekoek...
Etorkizuna
Mailegu zerbitzuaren erronkak hauek dira:
- Ekimena hiriko auzo berrietara hedatzea
- Zerbitzua optimizatzea
- Irisgarritasuna hobetzea