Ingurumen hezkuntza eta dibulgazioa
10. kanpaina "Adopta ezazu zuhaitz bat eta haz zaitez berarekin"
Hamargarren urteurrena
Aurten hamargarren urteurrena beteko du “Adopta ezazu zuhaitz bat eta haz zaitez berarekin” kanpainak. CEAk antolatutako ingurumen-hezkuntzako lehen ekimen iraunkorra izan zen eta horren bidez 14.000 zuhaitz landatu dituzte gaurdaino herritarrek Zabalganan, Armentian eta Salburuan.
Zadorraren ibai-parkean egingo dugu landaketa, Atxa parke berriaren ondoan. Gune berria da, gaztea, eta bertan urteetan zehar obra-hondakinek eta zaborrak bete duten natur gunea berreskuratu nahi dugu.
Vitoria-Gasteiz hiri osasuntsuagoa eta naturalagoa izateko bidean lagundu duten milaka herritarrekin bat egin dezazun eskatzen dizugu. Landatu ezazu zuhaitz bat, zurekin eta zuren ingurukoekin batera hazi dadin.
Nolakoa da gure basoa? Hariztia
Gizakion jarduerengatik izango ez balitz, Arabako lautadaren zatirik handiena (fondoarena) basoek beteko lukete. Baina lur horietan gero eta gizaki gehiago egoteak basoak gero eta urriagoak izan daitezen ekarri du, eta gaur egun laborantza lurrek inguratzen dituzten zuhaiztiak baino ez dira.
Haritza (Quercus robur) ia Europa osoan zehar aurki daiteke eta gure lurraldean osatzen duen basoa harizti eutrofoa izenez ezaguna da. Bailaretako beheko aldeetan egoten da eta bere ezaugarri nagusia da haritzaz aparte beste hainbeste espezie egotea; besteak beste, lizarra, astigarra, zumarra eta elorri beltza. Haritzak ezaugarri idorgarriak ditu , hori dela eta bere fruitua, hau da, ezkurra, oso elikagai egokia da beherako dagoenean. Halaber, irakuzketa eta gargarak egitea ona da ahoko zein eztarriko infekzioa dagoenerako.
Zer egingo dugu geure zuhaitzarekin?
- Landatzeko eguna heldu arte gure zuhaitza zainduko dugu. Horretarako, neurriz gaineko berotik urrun mantenduko dugu (hobeto izango da etxearen kanpoaldean jartzea) eta astero ureztatuko dugu, lorontzian putzurik egitera iritsi gabe.
- Martxoan zehar Zadorra ibaiaren ondoan dagoen Atxako muinora joango gara denok elkarrekin gure zuhaitzak landatu eta babestera.
- Azkenean, ekainean gure zuhaitzak ongarritu, ureztatu eta garbitzera joango gara. Gero, geure “baso-landatzaile” diploma eta kanpainako oroigarria jasoko ditugu.
- Nahi dugun aldiro, geure zuhaitza bisitatzera joan ahal izango dugu.
Zalantzaren bat badaukazu, ez ibili dudatan. Deitu 945-162.696 telefonora.